好，因為見到好多迷途架小羊羊每次問台灣行的問題～所以好好介紹一下等大家吾會白行～
其實台灣係都幾大架，由台北去墾丁（一北一南）如果高鐵最快都要5個鐘～所以，千奇吾好當香港咁plan行程，由墾丁一日來回清境係天芳夜談～（除非你係想到全程係車上6點出發半夜番去架話～）所以plan之前先好好睇一下台灣地圖～（下面會再比你地）
台灣大型機場有4個（小架吾講啦）台北、台中、台南、高雄，香港各大航空公司都有機到，所以～～舉例： 如果你想去墾丁，請各位記得訂到高雄架機票，因為由高雄機場坐車去丁丁（係，丁丁係冇鐵路、冇高鐵架，只係得巴士或拼車包車）去清境、日月潭、溪頭請到台中落機，因為高鐵由台北到台中都要＄740自由坐哦。
而且，而家各大航空公司已經有不同地點上機落機的票，比如台北落機玩到高雄上機番香港～所以，訂票前好好plan好自己架行程，吾好台北落機特登玩玩到高雄就坐高鐵番台北上機～～
如果想環島架話，可以由北到南再由花蓮、宜蘭番台北或者倒轉～因為而家有好多拼車或包車係由墾丁去台東、花蓮～方便快捷又可以一路玩上去，如果真真真係要由台中去花蓮係要開車上合歡山走中橫公路去，但咁樣開要山路5個鐘哦～或者你可以坐火車，最南到枋寮站姐，再火車到台東，花蓮，但⋯⋯本人覺得除非係鐵路迷，如果吾係一路坐3-4個鐘係火車上都幾係野～吾會以為中途可以落車行下，每站停5-10分鐘架姐～
而拼車（當你上得5個人就包車抵好多）會由墾丁一路停停走走，先到台東、再玩到上花蓮，而且會分縱谷線同海線2條線～我2 條線都去過，個人覺得有小朋友架適合縱谷，停牧場、池上、伯朗大道（可以騎四輪車哦！當然冇田尾歐風架車咁好啦！），愛海架一定要走海線～
仲有，台灣出左名友善、安全，基本上係各大景點（機場、清境、日月潭、墾丁⋯⋯）有司機問你要可要拼車（即係共乘）問清楚價錢而車上又有人就吾洗考慮，直接跳上車，記住先講＄同送到目的地門口哦！因為本人係丁丁同清境見過太多太多吾敢上車架香港人～加上台灣人好愛我地香港人架～所以有咩先表明身份，待遇真係會吾多同～～
差吾多啦～有咩吾明再問～
留言列表
